गौतम बुद्दको देशमा

By साबित्रा काफ्ले
जामुने – तनहु, हाल: अस्ट्रलिया

म सानो छँदा
आमा भन्नुहुन्थ्यो
नानी,
यो शान्ति भूमि हो।
तिमीले शान्तीको गीत गाउनुपर्छ
र ब्युझाउनु पर्छ
गाउबेशीहरुलाई।।

आमा भन्नुहुन्थ्यो,
नानी,
आजकल मान्छेहरु
सम्हारमा रमाउछन्
रुन जान्दैनन् अरुको पिडामा
र सधै
खेलिरहन्छन होली
आफ्नै रगतको।।

हो आज पनि,
म देख्दैछु मान्छेहरु
मान्छेको शिकार गरिरहेका।
अबोध अनि नाबालिकाहरुको
अस्मितामा खेलिरहेका
यी मानब नभएर,
दानब बनिरहेछन्।।

बुद्धको देशमा,
शान्ती हराएको छ।
म ब्यग्र छु
र फेरि आतुर छु
मेरी आमालाई सोध्न
साच्ची यो शान्तीभूमि हो र?