हटेका मेरा भ्रमहरु

By Chandra Gharti Magar
छिमेकीहरु,
बैगुणी रैछन्
मिलेर भएन
कुल्चने रैछन्
सहेर पनि भएन
अब त,
मलाई यसरी मिल्नु छैन
थप ज्यादती सहनु पनि छैन ।
कपुत नेताहरु,
असक्षम रैछन्
बुइ चदाएर भएन
पत्थर रैछन्
सत्य बुझाएर पनि भएन
अब त,
फेरि काँधमा बोक्नु छैन
भन्नु पनि केही बाँकी रहेन ।
छिमेकीसँग झुकेर पनि भएन
नेताहरुलाई भुकेर पनि भएन
उनीहरु ठान्दा रैछन्,
हामीलाई अझै गिराउनु पर्छ
हामीलाई सधैं पिराउनु पर्छ ।

अब त मौनता तोड्नु पर्छ
धैर्यताको बाँध फोड्नु पर्छ
झुकाउनेलाई जित्नै पर्छ
भुकाउनेलाई थुक्नै पर्छ ।
नत्र पटक पटक,
बुद्ध भारतीय भनेर
लेखिरहनेछन जकारीयाहरु
लुम्बिनी उतैको भनेर
धावा बोलिरहनेछन छिमेकीहरु
र,
चुपचाप समर्थन गरिरहनेछन
हाम्रै रगत मिसिएका पाखण्डी भरौटेहरु ।