By सानु घिमिरे, अस्ट्रेलिया
युद्धले ग्रस्त संसारमा
शांतिको दियो उचालेर
तिमीले सिकाएको अंहिसाको पाठ
तिमीले देखाएको प्रेमको मार्ग
र ब्यूझाउन खोजेको
मान्छे भित्रको बुद्दत्व
तिम्रो शालीन मुद्राको परम सन्देश
अप्प: दिपो भब:
भौतिक उन्नतिले उन्मत्त मान्छे
बिलाशिताले रंगिएको मान्छे
बेचैन मनसंग टुक्रिरहन्छ
तिमीले गरेको प्रार्थना
आऊ एकैछिन आफैलाई खोजौ
मनको बिज्ञानमा आफूलाई प्रयोग गरौ
अप्प: दिपो भब:
मोक्षको लागि छटपटिएको आत्मा
प्रेमको लागि तडपिएको मन
नि:शर्त प्रेमको सरिता बगाऊ
आफू भिजौ अरुलाई भिजाऔं
दुखका कारणहरुको फेहरिस्तमा
असीमित चाहनाको गुलाम नबन
ज्ञान मुद्रामा शान्त तिमी
तिम्रा स्थिर चक्षुहरुको मौन भाका
अप्प: दिपो भब:
मूर्ति पूजाका बिरोधी तिमी
आफै भित्रको भगवान पूज भन्छौ
धार्मिकताको सन्देश दिदै
तिमी अनन्त मुक्तिको बाटो देखाउँछौ
म सारा पाखण्डको बिरोध गर्दै
तिम्रो शुद्धताको वकालत गर्छु
तिम्रो पदचाप पहिल्याउन खोज्छु
शान्तिका दूत ए गौतम बुद्ध !
मनका बैज्ञानिक ए महा आत्मा !
तिमीले दिएको स्वर्णिम सूत्र
तिमीले दिएको अंतिम मन्त्र
म दोहोर्याई रहन्छु
अप्प: दिपो भब:
अप्प: दिपो भब:
By Chandra Gharti Magar