Posted by Ram Kumar Shrestha on February 22, 2012
भारतले झन्डै असी प्रतिशत नक्कली लुम्बिनी र कपिलवस्तु बनाउने काम सकाएर २०१२ सम्ममा पुरा गर्ने किसिमले जोडतोडका साथ काम हुँदा पनि सक्कली लुम्बिनी र कपिलवस्तु भएको देशको तर्फबाट भने झन्डै सर्ब पक्षीय मौनता दर्शाएको कारण बिभिन्न देशमा छरिएर रहेका नेपालीहरुले जे जति सकिन्छ त्यो रुपमा अन्तरराष्ट्रिय कार्यक्रम गर्ने अभिप्रायले डिसेम्बर १, २००९ लाई “कपिलवस्तु दिवस विस्व दिवस” को रुपमा बिभिन्न देशमा बिभिन्न कार्यक्रम सहित मनाएका थिए । त्यस्लाई निरन्तरता दिने अभिप्रायले मै ११, २०१० मा वेलायत निबासी रामकुमार श्रेष्ठको विस्व संयोजकत्वमा १९ सदस्यीय कपिलवस्तु दिवस अभियान विस्व कार्य समिति गठन गरी सेप्टेम्बर १६, २०१० मा दुई जना थपी बिस्व कार्य समितिलाई २१ सदस्यीय बनाएर पूर्णता दिइएको थियो । तीन ठूला पार्टीहरुको समेत प्रतिनिधित्व गराएर बिभिन्न क्षेत्रका प्रतिष्ठित ब्यक्तिहरु र दुई जना बिदेशीहरुलाई समेत समाबेश गरी सल्लाहकार मण्डल पनि बनाइएको छ । यसै बीच दुई बरिस्ठ कलाकार महामहिम प्रेम राजा महत र मनोज गजुरेललाई सांस्कृतिक दूतको रुपमा नियुक्त गरिएको छ ।
अभियानको नाम कपिलवस्तु दिवस रहेकै बेलामा स्पेन, बेल्जियम, यूके, क्यानडा, न्यूजिल्याण्ड, डेनमार्क, ताईवान, नेपाल र अस्ट्रेलिया गरी नौ देशमा राष्ट्रिय समिति गठन गरिएको छ । १ डिसेम्बर २०११ का दिनदेखि अभियानको नाम लुम्बिनी-कपिलवस्तु दिवस अभियानमा परिवर्तन गरेपछि मलेशिया, भियतनाम, कम्बोडिया, र जर्मनमा राष्ट्रिय समिति गठन गरी अभियानको राष्ट्रिय समिति गठन गर्ने मुलुकको संख्या तेर्ह पुगेको छ ।
त्यसरी नै अभियानको गतिबिधिलाई अझ सशक्त रुपमा अगाडि बढाउन लुम्बिनी पर्यटन प्रबर्द्धन समूह (Lumbini Tourism Promotion Forum) र संचार समूह (Media Forum of the Campaign) गठन गरिएको छ ।
अभियानको लुम्बिनी पर्यटन प्रबर्द्धन समूह रुपक राज आचार्यको मूल संयोजकत्वमा गठन गरिएको छ । यस्का संयोजकहरुमा सुमन कुमार सिग्देल, हरिबोल सत्याल, सुशिल केसी, केशब मणि पाठक, राजन पोखरेल, सुमन श्रेष्ठ, मीना पाण्डे र निलेश अधिकारी हुनुहुन्छ । त्यसरी नै ऐक्यबद्धताका महाप्रबन्धक निलकण्ठ तिवारीको मूल संयोजकत्वमा संचार समूह गठन गरिएको छ । यस्का संयोजकहरुमा नेपाल १ टिभिका क्रन्दन चापागाईं, माउण्टेन टिभिका गणेश पाण्डे, मूल प्रबाहका बलराम थापा, उज्यालो एफएमकी मीना पाण्डे (एफएम संयोजक), शिवराज गौतम ( अन्तरराष्ट्रिय संचार संयोजक), बासु सत्याल (एभेन्यूज), नेपाल टिभिका सरोज ओझा, एबिसी टिभिका निर्मल अर्याल, हिमालयन टाइम्सका सुरेन्द्र सुबेदी, नेपाल प्रिस्ठभूमिका देबेन्द्र खापुङ, नयाँ पत्रिकाका सुमन सिग्देल, लाइट अफ एशियाका म्रिगेन्द्र बिक्रम थापा र नमस्ते एफ एमका सुमन श्रेष्ठ हुनुहुन्छ ।
No comments:
Post a Comment