यसरी मनाइयो पेरिसमा बुद्द जयन्ती

● तस्विर : निजू श्रेष्ठ / पेरिस

विश्वकै सात आश्चर्य मध्येको एक पेरिसको आइफल टावर अगाडिबाट हिजो नेपालीहरुले भगवान गौतम बुद्दको २५५५ औं जयन्ति मनाए । न राजनीति, न वर्ग, न कुनै जात जाति र समूह । शान्तिका दूत, अहिंसाका प्रवर्तक गौतम बुद्द सबैका साझा । विश्वले मान्ने यीनको सन्देशलाई फैलाउन पाउनु यसैपनि नेपालीका लागि गौरवको कुरो हो । त्यसैले आज सबैजसो संघसंस्थाका नेपाली जम्मा भएका थिए ।

हात हातमा बुद्दका शान्ति र अहिंसाका उपदेश, सन्देशहरु थिए । सुन्दर शहर पेरिसको अझ सुन्दर धरोहर आइफल टावर हेर्न हजारौं पर्यटकको भिड लागेको थियो । त्यसमा विश्वभरीका थुप्रै देशका पर्यटक थिए । ति सबैलाई गौतम बुद्दको शान्तिको सन्देश आज बाँडेर विश्वभरि फैलाए नेपालीले ।

विश्व शान्तिका लागि कामना गर्दै ठूलो ब्यानर बनाइएको थियो जसले पर्यटक र भ्रमणकर्ताहरुको ध्यान तानेको थियो । उनीहरुले बुद्द जयन्तिको अवशर पारेर गरिएको यस शान्ति र्‍यालीलाई महत्व दिएका थिए ।

ब्यानरको अगाडि गजदम्म बसेका बुद्दको मूर्ती विशेष आकर्षण बनेको थियो । कार्यक्रममा मूल आयोजक पेरिस स्थित नेपाली दूतावास र नेपाली एकता समाज थिए । शान्ति र्‍यालीलाई नेपालमा यो मनाइरहेको पर्यटक वर्षको प्रचार प्रसार गर्नपनि सदूपयोग गरियो ।पेरिसमा बुद्द जयन्ति गत सालपनि यसैगरि शान्ति र्‍याली गरेर मनाइएको थियो ।

@Nepalplus