भेनकुवरमा २५५५ सौं बुद्ध जयन्ति भव्य रुपमा सम्पन्न

युथ फ्रेण्डली सेन्टर भेनकुवर र कपिलवस्तु दिवस विश्व अभियानको आयोजनामा भेनकुवरमा २५५५ सौं बुद्ध जयन्ति भव्य रुपमा सम्पन्न भएको छ। युथ फ्रेण्डली सेन्टर भेनकुवरकी संस्थापक अध्यक्ष एलिस पौडेलको बिशेष सकृयतामा बुद्धको जीवनि, नेपाल र विश्वमा बुद्धमार्गीहरुको स्थितिमा केन्द्रित रहेर ३० भन्दा बढि दर्शकहरुका माझ आयोजाना गरिएको हाजिरी जवाफ प्रतियोगितामा नेपाली, भारतीय र भुटानी मूलका युबाहरुका छ वटा समूहहरुले भाग लिएका थिए। 

अनन्त पौडेल र बिनोद राईले संचालन गरेको उक्त कार्यक्रममा, समय राख्ने काम शिवाङ्गी हमालले र संख्या जोड्ने काम सिता बाल्कोटीले गरेका थिए। PACE Canada College र Progressive Nepali Forum in Americas (PNEFA) को आर्थिक सहयोगमा संचालित कार्यक्रमा प्रथम हुने गंगा सुबेदी र गोकर्ण बानियाको समूह, दोश्रो हुने इन्द्र बानिया र अम्बर मत्राको समूह लगायत संपूर्ण सहभगिहरु, स्वयम सेवकहरु, र जजहरुलाई PNEFA का उत्तर अमेरिका संयोजक अबि शर्मा र NCSBC का अध्यक्ष सरद सेरचनले पुरस्कार तथा प्रमाणपत्रहरु बितरण गर्नु भएको थियो।

संजय रेग्मी, कृष्ण सुबेदी र पद्मराज न्यौपानेले जजको महत्वपूर्ण भूमिका निभाउनु भएको थियो।